घनसावंगी-अनैतिक संबंधाच्या संशयावरून विवाहितेचा खून !

 पती संशयाच्या भोवऱ्यात:चारित्र्याबाबत संशय घेऊन घातक हत्याराने केले वार

वास्तव न्युज ओमप्रकाश उढाण 

    जालना जिल्ह्यातील घनसावंगी तालुक्यातील मंगुजळगाव येथे एका पतीने खोट्या संशयातून आपल्या पत्नीचा खून केल्याची घटना उघडकीस आली असून, या प्रकरणी पोलिस ठाणे घनसावंगी येथे गुन्हा दाखल करण्यात आला आहे.

  याबाबत पोलीस सूत्रांकडून मिळालेल्या माहितीनुसार फिर्यादी वसंत बाबुराव सुतार यांनी दिलेल्या तक्रारीनुसार, मृत विवाहिता (वय 31, रा. मंगुजळगाव) हिचा पती कांता दगडू गुढेकर याने तिच्यावर चारित्र्याबाबत संशय घेऊन तिच्या छातीवर कोणत्यातरी घातक हत्याराने वार करून तीचा खून केला आहे.

   घटनास्थळी उपविभागीय पोलीस अधिकारी अनंत कुलकर्णी, पोलीस निरीक्षक केतन राठोड, पोउपनि काळे, पोउपनि पवार यांनी भेट दिली.