अंबड- घनसावंगीत पोलिस असल्याची बतावणी करत दोन दुचाकीस्वाना लुटले

 तीन सोन्याच्या अंगठ्या लंपास; परिसरात भीतीचे वातावरण

वास्तव न्युज ओमप्रकाश उढाण 

    जालना जिल्ह्यातील अंबड व घनसावंगी तालुक्यात तालुक्यातील दोन ठिकाणी पोलिस असल्याची बतावणी करत दोन दुचाकी स्वरांना दिवसाढवळ्या लुटल्याची घटना आज २० सप्टेंबर शनिवार रोजी घडली.

    घनसावंगी तालुक्यातील रामसगाव फाट्याजवळ २० सप्टेंबर रोजी सकाळी चार अज्ञात भामट्यांनी पोलिस असल्याची बतावणी करून साडेगाव येथील शेतकरी रमेश बाबुराव खोजे यांना दोन दुचाकीवरील चार जणांनी अडवले तीर्थपुरीत खून झाला आहे, तुम्ही सोन्याच्या अंगठ्या घालून का फिरत आहात? असे सांगून संशयितांनी खोजे यांच्याकडील दोन अंगठ्या काढून घेतल्या. त्यानंतर त्या अंगठ्या कागदाच्या पुडीत बांधल्या व आमच्या साहेबांना दाखवतो असा बहाणा करून दुसऱ्या पुडीत ठेवलेल्या नकली अंगठ्या देत खऱ्या अंगठ्या घेऊन आरोपी फरार झाले 

   या प्रकरणी तीर्थपुरी पोलीस ठाण्यात चार अज्ञात व्यक्तीं विरुद्ध गुन्हा दाखल करण्यात आला अशी माहिती पोलीस जमादार विष्णू चव्हाण यांनी दिली.

     दरम्यान आजच गोंदी पोलीस ठाण्याच्या हद्दीतही वडीगोद्री परिसरात अशाच प्रकारची घटना घडल्याचे समोर आले असून आम्ही सिआयडी आहोत तुम्ही सोन्याच्या अंगठ्या कशाला घालून फिरता असे सांगून वरील प्रमाणेच लूट केली अशी माहिती मिळाली. या दोन्ही घटनेत तिन सोन्याच्या अंगठ्या लंपास केल्या.

    दिवसाढवळ्या झालेल्या या लुटींमुळे परिसरात भीतीचे वातावरण असून पोलीस प्रशासनाने नागरिकांना अनोळखी व्यक्तींवर खात्री केल्याशिवाय विश्वास न ठेवण्याचे आवाहन केले आहे.