जालना पोलिसांची मोठी कारवाई- ४७२ जनावर हद्दपारी

गणेशोत्सव व ईद ए मिलाद पार्श्वभूमीवर

वास्तव न्युज ओमप्रकाश उढाण 

   जालना जिल्ह्यात गणेशोत्सव (दि. २७ ऑगस्टपासून) आणि ईद ए मिलाद (दि. ०५ सप्टेंबर रोजी) या दोन महत्वाच्या धार्मिक सणांच्या पार्श्वभूमीवर कायदा व सुव्यवस्था अबाधित राहावी यासाठी जालना पोलिसांनी मोठी कारवाई केली आहे.
    पोलीस अधीक्षक अजयकुमार बंसल यांच्या सूचनेनुसार व विशेष कार्यकारी दंडाधिकारी आयुष नोपाणी, अपर पोलीस अधीक्षक यांच्या आदेशाने जिल्ह्यातील विविध पोलीस ठाण्यांतील रेकॉर्डवरील ४७२ गुन्हेगारांविरुद्ध बीएनएसएस कलम १६३(३) अन्वये हद्दपारीची कारवाई करण्यात आली आहे.

    हद्दपारीत समाविष्ट आरोपींमध्ये दरोडे, जबरी चोरी, दंगल, हातभट्टी, दारु विक्री यासारख्या गंभीर गुन्ह्यातील आरोपींचा समावेश आहे.

पोलीस ठाण्यानुसार हद्दपारी आकडेवारी पुढीलप्रमाणे:

सदर बाजार – 63               कदीम जालना – 21

तालुका जालना – 21         चंदनझिरा – 66

बदनापूर – 18                  परतूर – 24

मंठा – 40                         आष्टी – 07

सेवली – 16                      मौजपुरी – 13

भोकरदन – 85               जाफ्राबाद – 17

पारध – 32                     हसनाबाद – 11

टेंभुर्णी – 05                    अंबड – 14

घनसावंगी – 10             गोंदी – 03

तिर्थपुरी – 06

   जालना पोलिसांनी सर्व नागरिकांना आवाहन केले आहे की, आगामी गणेशोत्सव आणि ईद ए मिलादचा सण शांततेत, प्रेमभावनेत आणि सामूहिक सौहार्दाने साजरा करावा.