जालना - समृद्धी महामार्गावर स्टेफनी बदलताना भीषण अपघात

स्टेफनी बदलताना ट्रकचालक जागीच ठार

वास्तव न्युज ओमप्रकाश उढाण 

     स्वर्गीय बाळासाहेब ठाकरे समृद्धी महामार्गावर जालना शहराजवळ तांदुळवाडी शिवारात आज गुरुवारी सकाळच्या सुमारास झालेल्या भीषण अपघातात एका ट्रकचालकाचा मृत्यू झाला.

     नागपूरकडे जाणारा ट्रक (क्र. एमएच-०५, इएल-१८०६) पंक्चर झाल्यामुळे साईडला उभा करून चालक स्टेफनी बदलत असताना पाठीमागून वेगात येणाऱ्या कंटेनरने (क्र. एमएच-४६, बीयू-०९३१) जोरदार धडक दिली. या धडकेत ट्रकचालक जागीच ठार झाला असून ट्रकचे मोठे नुकसान झाले आहे.

    अपघाताची माहिती मिळताच चंदनझिरा पोलीस ठाण्याचे हवालदार जितेंद्र तागवाले, शंकर रजाळे व जे. एम. कलानी यांनी घटनास्थळी धाव घेऊन मदतकार्य केले. मृतदेह पुढील कार्यवाहीसाठी जिल्हा रुग्णालयात हलविण्यात आला आहे.