गृहनिर्माण अभियंता लाचेच्या जाळ्यात

घरकुलाचा दुसरा हप्ता देण्यासाठी मागितली होती लाच 

वास्तव न्युज ओमप्रकाश उढाण 

   जालना जिल्ह्यातील घनसावंगी तालुक्यातील पंचायत समितीचे कंत्राटी गृहनिर्माण अभियंता विशाल विठ्ठलराव कनोजे यास लाचलुचपत प्रतिबंधक विभागाच्या पथकाने आज (बुधवार) रंगेहाथ पकडले. तक्रारदाराकडून घरकुलाचा दुसरा हप्ता मंजूर करून देण्यासाठी ३० हजार रुपये लाच घेत असताना ही कारवाई करण्यात आली.

   लाचलुचपत प्रतिबंधक विभागाने कनोजे यास ताब्यात घेत पुढील चौकशी सुरू केली आहे. या कारवाईमुळे तालुक्यात मोठी खळबळ उडाली आहे.