चलो मुंबई साठी घनसावंगी तालुक्यातून १० हजार मराठा बांधवांची उपस्थिती

मराठा आरक्षण लढा:५०० गाड्या शेकडो दुचाकी जाणार

वास्तव न्युज ओमप्रकाश उढाण 

       मराठा आरक्षणासाठी चलो मुंबई या आंदोलनात घनसावंगी तालुक्यातून मोठ्या संख्येने सहभाग होणार आहे. २९ ऑगस्ट रोजी मुंबईत होणाऱ्या या ऐतिहासिक आंदोलनासाठी तालुक्यातील ५०० वाहने व साधारणपणे ८ ते १० हजार मराठा बांधव मोटारसायकलसह सहभागी होणार असल्याचे आयोजकांनी सांगितले.

 या आंदोलनासाठी २७ ऑगस्ट रोजी अंतरवालीतून निघणार असून २९ तारखेला मुंबई गाठणार आहेत. तालुक्यातील प्रत्येक गावातून सरासरी पाच गाड्या पकडल्या जाणार असून संपूर्ण तालुक्यातून किमान ५०० गाड्या व हजारो दुचाक्या मुंबईकडे निघतीलअशी माहिती मिळाली.

      घनसावंगी तालुक्यातील या आंदोलनासाठीची पहिली बैठक ३० जुलै रोजी भोगाव येथे झाली होती. त्यानंतर १७ ऑगस्ट रोजी तालुकास्तरीय मोठी बैठक घेण्यात आली. संपूर्ण तालुक्यातील पाच टीम कार्यरत असून जनजागृतीसाठी तीन प्रचार गाड्या अजूनही फिरत आहेत.

      घनसावंगी, कुंभार पिंपळगाव, श्रीपत धामणगाव, लिंबी, मूर्ती, जांब समर्थ, भेंडाळा, गुंज बु., देवीदहेगाव, लिंबोनी, शिवणगाव, बोरांजणी, येवला, कंडारी परतूर, मासेगाव, जिरडगाव, राणी उंचेगाव, रवणा, पराडा, मंगु जळगाव, पानेवाडी, चापडगाव, भुतेगाव, दाई अंतरवाली, शेवगळ, तीर्थपुरी, मुरमा मंगरूळ, मुद्रेगाव, लींगशेवाडी, विठ्ठलनगर, बाणेगाव, भायगव्हाण, दहिगव्हाण, अंतरवाली टेंभी, रामसगाव, चापडगाव, भुतेगाव, शिंदे वडगाव आदी गावात बैठका झाल्या.

     सर्वांनीच आता थांबायचं नाही गड्या, थांबायचं नाही...एकच मिशन, मराठ्यांना ओबीसीतूनच आरक्षण,असा निर्धार मराठा बांधवांनी व्यक्त केला.

      या पार्श्वभूमीवर माऊली तालुक्यातील मुंबई बैठका व प्रचार गाड्या जनजागृती करत असून २७ ऑगस्टपासून मोठा मुंबई दौरा सुरू होणार आहे.