जालना जिल्हा परिषद व पंचायत समिती निवडणुकीसाठी अंतिम प्रभाग रचना जाहीर

जिल्हा परिषद च्या ५७ तर पंचायत समितीच्या ११४ जागांची प्रभाग रचना

वास्तव न्युज ओमप्रकाश उढाण 

     राज्य शासनाच्या ग्रामविकास विभागाच्या प्रधान सचिव यांच्या १२ जून २०२५ रोजीच्या आदेशानुसार जालना जिल्ह्यातील जिल्हा परिषद व पंचायत समिती निवडणुकीसाठी अंतिम प्रभाग रचनेची अधिसूचना आज (दि. २२) शासन राजपत्रात प्रसिद्ध होणार आहे. यानंतर आता जालना जिल्ह्यातील निवडणुकीच्या तयारीला अधिकृत वेग आला आहे.

    जालना जिल्हा परिषदेच्या एकूण ५७ जागा निश्चित करण्यात आल्या आहेत. तसेच जिल्ह्यातील आठ पंचायत समित्यांसाठी मिळून ११४ जागांची प्रभाग रचना करण्यात आली आहे. यामध्ये 

भोकरदन : २२ जागा
जाफ्राबाद : १२ जागा
बदनापूर : १० जागा
जालना : १८ जागा
मंठा : १२ जागा
परतूर : १० जागा
घनसावंगी : १४ जागा
अंबड : १६ जागा

     या अंतिम प्रभाग रचनेची अधिसूचना जालना जिल्हाधिकारी कार्यालय, जिल्हा परिषद कार्यालय, सर्व उपविभागीय अधिकारी कार्यालये, तहसील कार्यालये व पंचायत समिती कार्यालयांच्या फलकांवर नागरिकांच्या अवलोकनासाठी लावण्यात येणार आहे.

    निवडणूक प्रभागांची अंतिम यादी प्रसिद्ध झाल्यानंतर संबंधित ग्रामस्थ, स्पर्धक उमेदवार तसेच राजकीय पक्षांनी या प्रभाग रचनेचे बारकाईने अवलोकन करावे, असे आवाहन जालना जिल्हाधिकारी आशिमा मित्तल यांनी केले आहे.

  यामुळे जालना जिल्ह्यातील स्थानिक स्वराज्य संस्थांच्या निवडणुकीला आता औपचारिक प्रारंभ झाल्याचे मानले जात आहे.