प्रेमप्रकरणाच्या संशयातून निर्घृण खून!

 मृतदेह, डोक्याचे आणि मेंदूचे केले तुकडे तुकडे 

वास्तव न्युज ओमप्रकाश उढाण 

    बीड जिल्ह्यातील परळी तालुक्यातील रत्ननगर तांड्यात रविवारी रात्री उशिरा एक हृदयद्रावक घटना उघडकीस आली. प्रेमसंबंधाच्या संशयातून मेव्हण्यानेच आपल्या मेहुण्याचा कोयत्याने सपासप वार करून निर्दयपणे खून केला.

      मिळालेल्या माहितीनुसार मृत तरुणाचे नाव भीमराव शिवाजी राठोड (वय २६) असे असून, त्याच्यावर त्याच्याच मेव्हण्या अनिल चव्हाण याने धारदार शस्त्राने वार करून डोक्याचा अक्षरशः चुराडा केला. वार इतके क्रूर होते की मृतदेहाच्या डोक्याचे आणि मेंदूचे तुकडे झाल्याचे पाहून गावकऱ्यांच्या अंगावर शहारे आले.

       घटना रविवार रात्री सुमारे ११ वाजता, जळगव्हाण येथील रामनगर- वंसतनगर तांड्यात घडली असा अंदाज आहे. आरोपी गुन्हा करून फरार झाला असून, परळी पोलिसांनी घटनास्थळी धाव घेऊन मृतदेह शवविच्छेदनासाठी पाठविला आहे.

    या अमानुष हत्येमुळे परिसरात भीतीचे व दहशतीचे वातावरण निर्माण झाले आहे. गावकऱ्यांमध्ये तीव्र संताप असून, फरार आरोपीला तात्काळ अटक करण्याची जोरदार मागणी होत आहे.