जायकवाडी धरणातून कोणत्याही क्षणी पाणी सोडणार

आज जलसाठा तब्बल ९५.०५ टक्क्यांवर

वास्तव न्युज ओमप्रकाश उढाण

 

      पैठणच्या जायकवाडी धरणाच्या पाणलोट क्षेत्रात गेल्या काही दिवसांपासून मुसळधार पावसामुळे धरणातील पाण्याची पातळी झपाट्याने वाढत आहे. कार्यकारी अभियंता, जायकवाडी पाटबंधारे विभाग नाथनगर (उत्तर) पैठण यांनी दिलेल्या माहितीनुसार, दि. २० ऑगस्ट २०२५ रोजी दुपारी १२ वाजेपर्यंत धरणातील जलसाठा तब्बल ९५.०५ टक्के इतका झाला आहे.

        सध्या पाणलोट क्षेत्रातून मोठ्या प्रमाणात पाण्याची आवक सुरू असल्याने, धरणातील पाण्याची पातळी जलप्रचलन आराखड्यानुसार (Reservoir Operation Schedule) नियंत्रित ठेवणे आवश्यक झाले आहे.

       त्यामुळे येणाऱ्या ४८ तासांत कोणत्याही क्षणी जायकवाडी धरणातून गोदावरी नदीपात्रात पाणी सोडण्यात येऊ शकते, असे या कार्यालयाने जिल्हाधिकारी कार्यालयांना कळवले आहे.