जालना जिल्ह्यातील शेतकऱ्यांना DBT पोर्टलद्वारे १५ कोटींचा निधी मिळणार

कोणत्या तालुक्याला किती मिळणार रक्कम 

वास्तव न्युज ओमप्रकाश उढाण 

     जालना जिल्ह्यातील शेतकऱ्यांसाठी एक दिलासादायक बातमी आहे. शासनाकडून डिरेक्ट बेनिफिट ट्रान्सफर (DBT) पोर्टलद्वारे येत्या दोन ते तीन दिवसांमध्ये विविध तालुक्यांतील शेतकऱ्यांना थेट त्यांच्या खात्यामध्ये वित्तीय मदतीचा निधी वितरीत केला जाणार आहे. याबाबतची निवासी उपजिल्हाधिकारी गणेश महाडीक यांनी प्रसिद्धीपत्रकाद्वारे दिली आहे.

    त्यानुसार, एकूण 9,277 शेतकऱ्यांना तब्बल 15 कोटी 90 लाख 99 हजार 88 रुपये इतका निधी त्यांच्या बँक खात्यात जमा केला जाणार आहे. तालुकानिहाय निधीचे वितरण पुढीलप्रमाणे होणार आहे

परतुर तालुका – 213 शेतकरी : ₹27,45,099
मंठा तालुका – 570 शेतकरी : ₹67,25,789
जालना तालुका – 347 शेतकरी : ₹30,79,392
जाफ्राबाद तालुका – 512 शेतकरी : ₹53,90,000
घनसावंगी तालुका – 1,717 शेतकरी : ₹2,54,05,090
भोकरदन तालुका – 131 शेतकरी : ₹21,10,671
बदनापूर तालुका – 55 शेतकरी : ₹8,41,874
अंबड तालुका – 5,732 शेतकरी : ₹11,28,01,146

     यामध्ये अंबड तालुका आघाडीवर असून सर्वाधिक 5,732 शेतकऱ्यांना 11 कोटींपेक्षा अधिक रक्कम वितरीत होणार आहे. त्यानंतर घनसावंगी तालुक्यातील 1,717 शेतकऱ्यांना 2 कोटींहून अधिक निधी दिला जाणार आहे.

शेतकऱ्यांच्या थेट खात्यावर रक्कम जमा होणार

     DBT प्रणालीमुळे शेतकऱ्यांना थेट त्यांच्या खात्यात आर्थिक लाभ मिळणार असून कोणत्याही मध्यस्थाशिवाय रक्कम प्राप्त होणार आहे. शासनाच्या या उपक्रमामुळे पारदर्शकता आणि जलद निधी वितरण शक्य झाले आहे.

प्रशासनाचा पुढाकार

     या निधी वितरणासाठी प्रशासनाकडून आवश्यक ती तयारी करण्यात आली असून संबंधित यंत्रणांना सूचनाही दिल्या गेल्या आहेत. शेतकऱ्यांनी त्यांच्या खात्यात निधी जमा झाल्याची खात्री करून घ्यावी, असे आवाहन प्रशासनाकडून करण्यात आले आहे.