अंबडमध्ये भीषण अपघात : ट्रक व दुचाकीच्या धडकेत आजी व नातवाचा दुर्दैवी मृत्यू

 अंबड पोचोड रस्त्यावर हृदयद्रावक घटना – जावयाच्या वर्षश्रधाहून परतताना काळाचा घाला !

वास्तव न्युज ओमप्रकाश उढाण 

     अंबड शहरालगत असलेल्या अंबड-पोचोड रस्त्यावर सोमवारी एक भीषण अपघात घडला. ट्रक आणि दुचाकी यांच्यात झालेल्या जोरदार धडकेत आजी आणि नातवाचा जागीच मृत्यू झाला असून, ट्रक चालक अपघातानंतर फरार झाला आहे. या दुर्दैवी घटनेने परिसरात हळहळ व्यक्त केली जात आहे.

   मयतांमध्ये गोपिका रामभाऊ वाघ (वय 50, रा. डावलवाडी ता पैठण) आणि विशाल कृष्णा पवार (वय 1 वर्ष) यांचा समावेश आहे. या अपघातातील दुचाकी (क्रमांक MH20 DX 3756) ही दुचाकी लखन प्रकाश गायकवाड चालवत डावलवाडी येथून येत होता. मयत गोपिका वाघ या आपल्या जावयाच्या वर्षश्रद्धेचा कार्यक्रम उरकून नातवाबरोबर घरी परतत होत्या. त्याचवेळी समोरून आलेल्या भरधाव ट्रकने त्यांच्या दुचाकीला जोरदार धडक दिली.

    या अपघातात विशाल पवार या चिमुकल्याचा जागीच मृत्यू झाला, तर आजी गोपिका वाघ यांचा उपचारादरम्यान मृत्यू झाला. हा अपघात इतका भीषण होता की दुचाकीचा चक्काचूर झाला. अपघातानंतर ट्रकचालकाने घटनास्थळावरून पलायन केले असून, पोलिसांनी त्याचा शोध सुरू केला आहे.

    या घटनेने संपूर्ण डावलवाडी परिसरात शोककळा पसरली असून, एकाच कुटुंबातील दोन जणांचे अपघाती निधन झाल्याने गावावर दु:खाचे सावट आहे. अंबड पोलीस अधिक तपास करत आहेत.