घनसावंगी - अंबड रोडवर कार व दुचाकीचा भीषण अपघात

 वालखेड फाट्याजवळ अपघात : दोन सख्खे भाऊ गंभीर जखमी

वास्तव न्युज ओमप्रकाश उढाण 

      घनसावंगी ते अंबड रोडवर पांगरखेडा परिसरातील वालखेड फाट्याजवळ आज मंगळवार रोजी सकाळी ९:३० बाजेच्या दरम्यान भीषण अपघात झाला असून, या अपघातात दोन सख्खे भाऊ गंभीर जखमी झाल्याची प्राथमिक माहिती आहे.

     या अपघातात कार (क्रमांक MH 34 BR 7011) आणि दुचाकी (क्रमांक MH 23 AM 4329) यांची समोरासमोर धडक झाली. या धडकेत बाळु अशोक बरडे आणि दीपक अशोक बरडे (दोघेही रा. खडकेश्वर, ता. अंवड) हे गंभीर जखमी झाले आहेत.

    अपघातानंतर स्थानिक नागरिकांनी व रुग्ण वाहिकेने तातडीने मदत करत जखमींना अंबड येथील उपजिल्हा रुग्णालयात हलवले. अपघाताचे नेमके कारण अद्याप समजू शकले नाही, मात्र पोलिस तपास सुरू आहे.