जालना - ग्राम महसूल अधिकारी लाचेच्या जाळ्यात

 चार हजार रुपयांची लाच स्वीकारताना रंगेहाथ अटकेत लाचखोरीवर यशस्वी सापळा कारवाई 

वास्तव न्युज ओमप्रकाश उढाण 

    भ्रष्टाचार विरोधात निर्णायक पावले उचलत लाचलुचपत प्रतिबंधक विभागाच्या (लाप्रवि) जालना युनिटने अंबड शहरात यशस्वी सापळा रचून ग्राम महसूल अधिकारी श्रीपाद दत्तात्रय देशपांडे यांना ४००० रुपये लाच स्वीकारताना रंगेहाथ पकडले.

 प्रकरणाची सविस्तर माहिती

     तक्रारदार : पुरुष, वय 35 वर्ष, आरोपी अधिकारी : श्रीपाद दत्तात्रय देशपांडे, वय 51 वर्ष, पद – ग्राम महसूल अधिकारी, सेवा – अंबड तालुका, राहणीस्थान : विठ्ठल टॉवर, घर क्र. 404, शनिमंदिर, जालना तक्रारदाराने अंबड शहरात एक रिकामा प्लॉट खरेदी केला होता, आणि त्या प्लॉटचा फेर तक्रारदाराच्या नावे घेण्यासाठी ग्राम महसूल अधिकारी देशपांडे यांनी ६००० रुपयांची लाचेची मागणी केली होती.

   तक्रारदाराने लाच देण्यास नकार देत दि. 15 जुलै 2025 रोजी लाप्रवि, जालना युनिटकडे तक्रार दाखल केली.

पडताळणी आणि सापळा कारवाई

   त्याच दिवशी तक्रारीची पडताळणी करताना, आरोपी श्रीपाद देशपांडे यांनी तडजोडीअंती ४००० रुपये स्वीकारण्यास सहमती दर्शवली. यावरून आज दिनांक १५ जुलै रोजी सापळा रचण्यात आला. ठिकाण : मत्स्योदरी देवी मंदिराजवळील सभामंडप, अंबड

   साक्षीदारांच्या समक्ष, आरोपी श्रीपाद देशपांडे यांनी ४००० रुपये लाच तक्रारदाराकडून स्वीकारताच, सापळा पथकाने त्यांना रंगेहाथ पकडले.

आरोपीकडून जप्त केलेली सामग्री

▪️ रोख रक्कम : 4,000/- रुपये (लाचेची रक्कम)

▪️ इतर वस्तू : सॅमसंग मोबाईल फोन, रोख 460/- रुपये

    मोबाईल ताब्यात घेऊन त्याचे विश्लेषण व तपास सुरु आहे. घराजवळ झडती प्रक्रियाही सुरु आहे. अंबड पोलीस ठाण्यात गुन्हा दाखल करण्याची प्रक्रिया सुरू आहे.

सापळा कारवाईतील अधिकारी

     सापळा अधिकारी : कोमल शिंदे, पोलीस निरीक्षक, लाप्रवि जालना सहायक अधिकारी : बी. एस. जाधवर, पो. उपअधीक्षक, लाप्रवि जालना पर्यवेक्षक अधिकारी : बी. एस. जाधवर, पो. उपअधीक्षक, लाप्रवि जालना, पोहेकॉ. श्रीनिवास गुडूर, गणेश चेके, शिवलिंग खुळे, चालक पोहेकॉ. बिनोरकर – लाप्रवि जालना