घनसावंगी तालुक्यातील सरपंच आरक्षण सोडत जाहीर

 १५ जुलै २०२५ रोजी घनसावंगी तहसील कार्यालयात सोडत प्रक्रिया

वास्तव न्युज ओमप्रकाश उढाण 

      घनसावंगी तालुक्यातील ९६ ग्रामपंचायतींसाठी सन २०२५ ते २०३० या कालावधीतील सरपंच पदाच्या आरक्षणाची सोडत प्रक्रिया ही दिनांक १५ जुलै २०२५ रोजी सकाळी ११.०० वाजता तहसील कार्यालय, घनसावंगी येथील सभागृहात आयोजित करण्यात आली आहे. सदर सोडत प्रक्रिया  उपविभागीय अधिकारी अंबड यांच्या संनियंत्रणाखाली पार पडणार आहे.

      सदर सोडत प्रक्रिया महाराष्ट्र ग्रामपंचायत (सरपंच व उपसरपंच) निवडणूक नियम, १९६४ मधील नियम ३(अ), ३(ब) व ४ नुसार राबविण्यात येत असून, मा. जिल्हाधिकारी जालना यांच्या अधिसूचनेनुसार ही आरक्षण निश्चिती केली जाणार आहे.

     तहसीलदार घनसावंगी मोनाली सोनवणे यांनी अधिकृतपणे जाहीर केलेल्या प्रगटनात नमूद केल्याप्रमाणे, तालुक्यातील सर्व ९६ ग्रामपंचायतींसाठी आरक्षणाचे प्रकार – अनुसूचित जाती, अनुसूचित जमाती, इतर मागासवर्गीय, सर्वसाधारण प्रवर्ग तसेच महिला आरक्षणाचे वाटप निश्चित करण्यात येणार आहे.

   सर्व ग्रामस्थ, ग्रामपंचायत सदस्य, राजकीय पक्षांचे पदाधिकारी व इच्छुक उमेदवारांना या सोडत प्रक्रियेची नोंद घेण्याचे व उपस्थित राहण्याचे आवाहन तहसील प्रशासनाकडून करण्यात आले आहे.