घनसावंगी -चाकरवाडीला देवदर्शनासाठी पतीसोबत जात असताना अपघात पत्नीचे दुर्दैवी निधन

वास्तव न्युज ओमप्रकाश उढाण 

       घनसावंगी तालुक्यातील मुद्रेगाव येथील मीना भारत राऊत (वय ४२) यांचे २४ जून रोजी दुर्दैवी अपघातात निधन झाले. त्या आपल्या पती भारत राऊत यांच्यासोबत चाकरवाडी येथे देवदर्शनासाठी दुचाकीवरून जात असताना हा अपघात घडला.

        प्राप्त माहितीनुसार, दोघे पती पत्नी दुचाकीवरून रस्त्यात जात असताना अचानक तोल जाऊन मीना राऊत खाली पडल्या व गंभीर जखमी झाल्या. अपघातानंतर तातडीने त्यांना बीड येथील रुग्णालयात उपचारासाठी हलवण्यात आले. मात्र, गंभीर दुखापतीमुळे त्यांची प्रकृती झपाट्याने खालावली आणि उपचारादरम्यान त्यांनी अखेरचा श्वास घेतला.

     त्यांच्या जाण्याने राऊत कुटुंबीयांवर दुःखाचा डोंगर कोसळला असून संपूर्ण गावात शोककळा पसरली आहे. २५ जून रोजी मुद्रेगाव येथे त्यांच्यावर अंत्यसंस्कार करण्यात आले.या त्यांच्या पश्चात पती, दोन मुले आणि एक मुलगी असा परिवार आहे.