घनसावंगी- युवकाचे अपहरण; गावठी कट्टा व कु-हाडीचा धाक दाखवत केले अपहरण

 जुन्या वादाच्या कारणावरून केले अपहरण 

वास्तव न्युज ओमप्रकाश उढाण 

    घनसावंगी तालुक्यातील कुंभार पिंपळगाव येथील बाजार समितीसमोर काल रात्री १० वाजेच्या सुमारास एक धक्कादायक घटना घडली. जुन्या वादाच्या कारणावरून एका युवकाचे चार जणांच्या टोळीने गावठी कट्टा आणि कु-हाडीचा धाक दाखवत अपहरण केल्याचा प्रकार उघडकीस आला आहे. याप्रकरणी घनसावंगी पोलीस ठाण्यात गंभीर स्वरूपाचा गुन्हा दाखल करण्यात आला असून पोलीस तपास सुरू आहे.

     फिर्यादी सुभाष लळितराव आर्दड ( रा. राजाटाकळी, ता. घनसावंगी) यांच्या तक्रारीवरून घनसावंगी पोलीस ठाण्यात गुन्हा नोंदविण्यात आला आहे.यातील संशयित आरोपी हरी तौर याने गावठी कट्ट्याचा धाक दाखवला, तर खन्ना आर्दड याने कु-हाडीने धमकावले. त्यानंतर जबरदस्तीने त्याला गाडीत बसवून जिवे ठार मारण्याच्या उद्देशाने अज्ञात ठिकाणी घेऊन गेले.असे तक्रारीत म्हटले आहे.

    घटनेनंतर लगेचच पोलीस निरीक्षक राठोड, सपोनि खरात, पोउपनि पवार यांनी घटनास्थळी भेट देऊन आरोपींचा शोध सुरू आहे. अद्याप कोणत्याही आरोपीस अटक करण्यात आलेली नाही.