जालना - एसटी बस अपघात: दोघांचा मृत्यू, तीन गंभीर जखमी

वास्तव न्युज ओमप्रकाश उढाण 

  आज २१ फेब्रुवारी रोजी सकाळी अंबड येथील बस स्थानकावर मोठा अपघात घडला. एसटी बस क्रमांक एमएच 20 बीएल 1606 चा ब्रेक फेल झाल्यामुळे बस थेट प्लॅटफॉर्मवर चढली. या दुर्घटनेत दोन व्यक्तींना जीव गमवावा लागला, तर तीन जण गंभीर जखमी झाले आहेत. अशी माहिती सूत्रांकडून मिळाली.

अपघाताचा तपशील:

  अंबड बस स्टँडवर अपघाताची घटना घडली तेव्हा बसमध्ये अनेक प्रवासी होते. बस क्रमांक एमएच 20 बीएल 1606 चा ब्रेक फेल झाल्यामुळे चालकाचा बसवरील ताबा सुटला आणि ती थेट प्लॅटफॉर्मवर चढली.

मृत्यू आणि जखमींची माहिती:

  या अपघातात जिल्हा रुग्णालयात उपचारादरम्यान दोन व्यक्तींचा मृत्यू झाला. मृत व्यक्तींची नावे मुरलीधर आनंदराव काळे (वय ६०) रा शेवगा ता अंबड जी जालना आणि खलीलउल्ला अजीमुल्लाह शेख (वय ७०) अशी आहेत. याशिवाय रेहान शेख या जखमीला त्याच्या नातेवाईकांनी खाजगी रुग्णालयात दाखल केले आहे. दोन अन्य जखमींवर जालना जिल्हा रुग्णालयात उपचार सुरू आहेत.

मुरलीधर काळे 

रुग्णालयातील उपचार आणि प्रकृती:

 जखमींना तत्काळ जिल्हा रुग्णालयात दाखल करण्यात आले आहे. सध्या त्यांच्यावर उपचार सुरू असून, त्यांची प्रकृती स्थिर असल्याचे रुग्णालयातील सूत्रांनी सांगितले आहे.

चालकाची माहिती आणि तपास:

  गाडीचा चालक व्हीएस राठोड असल्याचे समजते. अपघातानंतर गाडीची तांत्रिक तपासणी करण्यात येणार आहे. अपघाताचे प्राथमिक कारण बसच्या ब्रेकचा फेल होणे असल्याचे समजले असले, तरी या घटनेची सखोल चौकशी सुरू आहे.

 या अपघातानंतर प्रवाशांमध्ये घबराट निर्माण झाली होती. एसटी प्रशासनाने त्वरित तपासणी आणि योग्य कारवाई करण्याचे आश्वासन दिले आहे.