त्या एसटी बस अपघातात एका बालकाचा मृत्यू; मयताची संख्या तीन

 

वास्तव न्युज ओमप्रकाश उढाण 

  काल २१ फेब्रुवारी रोजी सकाळी जालना जिल्ह्यातील अंबड येथील बस स्थानकावर मोठा अपघात घडला होता. एसटी बस क्रमांक एमएच २० बीएल १६०६ चा ब्रेक फेल झाल्यामुळे बस थेट प्लॅटफॉर्मवर चढली होती.

  या दुर्घटनेत काल दोन व्यक्तींना जीव गमवावा लागला तर आज मध्यरात्रीच्या सुमारास एका दोन वर्षीय बालकांची उपचार सुरू असताना मृत्यू झाला अशी माहिती सूत्रांकडून मिळाली. या अपघातात आत्तापर्यंत एकूण तीन जणांचा मृत्यू झाला आहे.

अपघाताचा तपशील

  अंबड बस स्टँडवर अपघाताची घटना घडली तेव्हा बसमध्ये अनेक प्रवासी होते. बस क्रमांक एमएच 20 बीएल 1606 चा ब्रेक फेल झाल्यामुळे चालकाचा बसवरील ताबा सुटला आणि ती थेट प्लॅटफॉर्मवर चढली.

मृत्यू आणि जखमींची माहिती

  या अपघातात उपजिल्हा रुग्णालयात उपचारादरम्यान दोन व्यक्तींचा मृत्यू झाला. मृत व्यक्तींची नावे मुरलीधर काळे (वय ६०) रा शेवगा ता अंबड आणि खलीलउल्ला अजीमुल्लाह शेख (वय ७०) तर रीहान आलीम शेख (वय २ ) रा धाकलगाव ता अंबड अशी आहेत. रीहान शेख या जखमीला नातेवाईकांनी घाटी रुग्णालयात दाखल केले होते. 

  त्याचा २३ फेब्रुवारी रोजी दीड वाजता मृत्यू झाला. अशी माहिती फेरोज पठाण यांनी दिली.तसेच त्याची आई हीना आलीम शेख यांचे हाथ फैक्चर झालेला आसुन जालना येथील रुग्णालय मध्ये उपचार चालु आहे.