जालन्यात एसटीचे ब्रेक फेल झाल्याने थेट प्लॅटफॉर्मवर चढली !

सुदैवाने हानी टळली ! चार ते पाच जण जखमी

वास्तव न्युज ओमप्रकाश उढाण 

 आज सकाळी अंबड बस स्टँड येथे एक अपघात घडला. यात गाडी क्रमांक एमएच 20 बीएल 1606 या गाडीचा ब्रेक फेल झाल्याने गाडी थेट प्लॅटफॉर्मवर चढली. प्राथमिक माहिती नुसार, या घटनेत चार ते पाच जण जखमी झाले आहेत. अशी माहिती मिळाली.

  मिळालेल्या माहितीनुसार अपघाताच्या वेळी बसमध्ये अनेक प्रवासी होते, मात्र सुदैवाने मोठा अपघात टळला. जखमींना तत्काळ जालना जिल्हा रुग्णालयात दाखल करण्यात आले आहे. सध्या त्यांच्यावर प्राथमिक उपचार सुरू आहेत. जखमींची प्रकृती स्थिर असल्याचे रुग्णालयातील सूत्रांनी सांगितले आहे.

 

गाडीचा चालकाचे नाव राठोड असल्याचे समजते. या घटनेनंतर प्रवाशांमध्ये घबराट निर्माण झाली होती या अपघातानंतर गाडीची तांत्रिक तपासणी केली जाणार असून, या घटनेच्या कारणांची चौकशी सुरू करण्यात येणार आहे. गाडीच्या ब्रेक फेल झाल्यामुळे अपघात झाला असल्याचे समजले असले तरी, याविषयी अधिक तपास सुरू आहे.