बीड - एसटी बसने चिरडल्याने तीन जणांचा जागीच मृत्यू !

 बीड - एसटी बसने चिरडल्याने तीन जणांचा जागीच मृत्यू !

दुर्दैवी घटना: बीड जिल्ह्यातील घोडका राजुरी गावावर शोककळा, पोलिस व्हायचं स्वप्नं अधुरं

  बीड जिल्ह्यातील घोडका राजुरी गावावर दुःखाचा डोंगर कोसळला आहे. या गावातील तीन होतकरू तरुणांची दुर्दैवी मृत्यूमुळे संपूर्ण गाव शोकसागरात बुडाले आहे. पोलीस भरतीच्या सरावादरम्यान एसटी बसने चिरडल्याने तीन जणांचा जागीच मृत्यू झाला असून दोन जण गंभीर जखमी झाले आहेत. ही दुर्दैवी घटना आज घडलीय 

दुर्दैवी घटनेतील मृतांची ओळख:

1. सुबोध बाबासाहेब मोरे (वय २०)

2. विराट बब्रूवान घोडके (वय १९)

3. ओम सुग्रीव घोडके (वय २०)

  

  हे तीनही युवक सामान्य घरांतील असून, आपल्या कुटुंबाच्या आर्थिक आधारस्तंभ बनण्याच्या स्वप्नाने पोलिस भरतीची तयारी करत होते. मात्र त्यांच्या कर्तृत्वाला दुर्दैवी अपघातामुळे पूर्णविराम मिळाला. या दुर्दैवी घटनेने गावात शोककळा पसरली आहे.

  घटनास्थळी उपस्थित असलेल्या नागरिकांनी सांगितले की, अपघातामुळे सर्वत्र गोंधळ आणि हळहळ पसरली होती. प्रशासनाने त्वरित घटनास्थळी धाव घेतली आणि जखमींना उपचारासाठी रुग्णालयात हलवले.

   परिणाम आणि शोकभावना: या घटनेनंतर संपूर्ण जिल्ह्यात हळहळ व्यक्त केली जात आहे. कुटुंबांनी आपल्या मुलांना अशा दुर्दैवी घटनेत गमावल्याने त्यांच्यावर दुःखाचा डोंगर कोसळला आहे. तरुणांच्या अपूर्ण स्वप्नांच्या छायेखाली संपूर्ण गाव शोकसागरात आहे.

  पोलिसांनी या घटनेचा तपास सुरू केला आहे आणि एसटी बसचालकाविरुद्ध कारवाई होण्याची शक्यता आहे.