जालना - महावितरणचा कार्यकारी अभियंता लाचेच्या जाळ्यात

 जालना - महावितरणचा कार्यकारी अभियंता लाचेच्या जाळ्यात 

अभियंत्याला ४० हजारांची लाच घेताना पकडले

   जालना जिल्ह्यातील आज महावितरणचा अ.कार्यकारी अभियंता लाचेच्या जाळ्यात सापडलाय या अभियंत्याला ४०  हजारांची लाच घेताना पकडन्यात आले.

   महावितरणचे अ.कार्यकारी अभियंता प्रकाश तौर यांना जालना लाचलुचपत प्रतिबंधक विभागाने ४०  हजार रुपयांची लाच घेताना रंगेहात पकडले. ही कारवाई अंबड येथे करण्यात आली आहे.सदर घटना गुत्तेदाराकडून बिले काढण्यासाठी मागितलेल्या ५० हजार रुपयांच्या लाचेसंदर्भात घडली. गुत्तेदाराने तक्रार केल्यानंतर लाचलुचपत विभागाने या प्रकरणाचा सापळा रचला. त्यानुसार, ४० हजार रुपये स्वीकारताच तौर यांना जेरबंद करण्यात आले.

  दि. १५ जानेवारी रोजी जालना येथे महाराष्ट्र राज्य विद्युत वितरण कंपनीच्या अंबड उपविभागाचे अतिरिक्त कार्यकारी अभियंता प्रकाश रामकृष्णराव तौर यांना लाच घेताना रंगेहाथ पकडण्यात आले आहे. तक्रारदार गुत्तेदाराने दिलेल्या माहितीनुसार, ट्रांसफार्मर बसविल्यानंतरच्या मागील चार महिन्यांच्या बिलासाठी ५० हजार रुपये लाचेची मागणी करण्यात आली होती. तडजोडीनंतर लाच रक्कम ४० हजार रुपये ठरविण्यात आली.

  पोलीस निरीक्षक अविनाश घरबुडे यांच्या नेतृत्वाखालील पथकाने पंचांसमक्ष ही कारवाई केली. प्रकाश तौर यांनी तक्रारदाराकडून ४० हजार रुपये लाचेची रक्कम स्वीकारल्यानंतर त्यांना रंगेहाथ पकडले गेले. याप्रकरणी अंबड पोलीस ठाण्यात गुन्हा नोंद करण्याची प्रक्रिया सुरू आहे.

  या यशस्वी सापळा कारवाईत पोलीस अधीक्षक संदीप आटोळे, अपर पोलीस अधीक्षक मुकुंद आघाव, आणि पोलीस उपअधीक्षक बाळु जाधवर यांचे मार्गदर्शन सापळा पथकातील पोलीस अंमलदार जावेद शेख, शिवलिंग खुळे, गणेश बुजाडे, भालचंद्र बिनोरकर  आदींनी ही कारवाई पार पाडली.