पोलीस हवालदाराचा रेल्वेतून पडून मृत्यू !

 पोलीस हवालदाराचा रेल्वेतून

 पडून मृत्यू !

   जालन्यातील पोलीस हवालदार लोखंडे यांचा कल्याण येथे रेल्वेतून पडून मृत्यू झाल्याची दुर्देवी घटना आज १५ नोव्हेंबर रोजी घडलीय.

     जालना येथील एसआरपीएफ ग्रुप तीनमधून वर्षभरापूर्वी ठाणे पोलीस दलात बदलून गेलेले पोलीस हवालदार दत्ता उत्तमरावं लोखंडे (वय ४१) यांचा डेक्कन मेल मुंबई-पुणे प्रवास करीत असताना कल्याण रेल्वे स्थानकात आज सकाळी पडून मृत्यू झाला आहे.

 डेक्कन मेल ही कल्याण स्थानकात थांबत नाही मात्र या गाडीचा वेग कमी होताच त्यांनी तेथे उतरण्याचा प्रयत्न केल्याने ही दुर्घटना घडली आहे. लोखंडे यांचे कुटुंब जालना येथेच स्थायिक आहे. त्यांच्या पश्चात पत्नी, एक मुलगा, एक मुलगी असा परिवार आहे.