पेट्रोल आणण्यासाठी जातांना भीषण अपघातात दोघांचा मृत्यू..!

 पेट्रोल आणण्यासाठी जातांना भीषण अपघातात दोघांचा मृत्यू..!

वास्तव न्युज  - ओमप्रकाश उढाण 

     मोटरसायकलमधील पेट्रोल संपल्याने दुसऱ्याच्या मोटासायकलवर बसून पेट्रोलपंपाकडे पेट्रोल आणण्यासाठी जात असताना पैठणकडून पाचोडकडे येणाऱ्या वाहनाने उडवून भरधाव वाहन पसार झाले. यात मोटारसायकलवरील दोघांचा जागीच मृत्यू झाल्याची दुर्दैवी घटना आज २९ सप्टेंबर रवीवारी सायंकाळी साडेसातच्या सुमारास छत्रपती संभाजी नगर जिल्ह्यातील पाचोड- पैठण रोडवर पाचोडपासून जवळच असलेल्या पेट्रोलपंपासमोर घडलीय.

छगन एकनाथराव भांगळ वय ५८, रा. थेरगाव, ता. पैठण व गोरख भाऊराव हिंगले पाटील वय ६०, रा. लिंबगाव ता. पैठण अशी मृत्यू झालेल्यांची नावे आहेत. छगन भांगळ रविवारच्या आठवडे बाजारासाठी पाचोडला आले होते ते परत गावाकडे निघाले असता पाचोड बसस्थानकासमोर लिंबगावचे गोरख हिंगले त्यांना भेटले. हिंगले यांच्या मोटरसायकलमधील पेट्रोल संपल्याने भांगळ यांच्या मोटरसायकलवर बसून पेट्रोलपंपाकडे पेट्रोल आणण्यासाठी जात असताना पैठणकडून पाचोडकडे येणाऱ्या वाहनाने त्यांना उडवले. यात दोघांच्याही डोक्याला गंभीर मार लागून ते जागीच ठार झालेत. सदरील वाहन न थांबता निघून गेल्याने वाहनाबद्दल माहिती समोर आली नाही. पाचोड पोलीस या वाहनांचा तपास करत आहेत. ग्रामस्थांच्या मदतीने सहायक पोलीस निरीक्षक शरदचंद्र रोडगे, पोउ ज्ञानेश्वर राडकर, सपोनी अण्णासाहेब गव्हाणे यांनी मृतदेह पाचोड येथील ग्रामीण रुग्णालयात हलवलेत याप्रकरणी पाचोड पोलिसांत नोंद करण्यात आलीय.