मराठवाड्यात काही भागात रेड अलर्ट..! गोदाकाठच्या गावांना सतर्कतेचा इशारा..

मराठवाड्यात काही भागात रेड अलर्ट..! गोदाकाठच्या गावांना सतर्कतेचा इशारा..

वास्तव न्युज - ओमप्रकाश उढाण

आज मंगळवारी रात्री ७ ते १० वाजेपर्यंत आयएमडी मुंबई याने दिलेल्या अलर्ट नुसार छत्रपती संभाजीनगर विभागातील छत्रपती संभाजीनगर,जालना, बीड, लातूर आणि धाराशिव या जिल्ह्याना रेड अलर्ट देण्यात आलाय. याबरोबरच नदी व गोदाकाठच्या गावांना सतर्कतेचा इशारा देण्यात आलाय याबरोबरच मंत्रालय नियंत्रण कक्ष मुंबई यांनीही काही ठिकाणी विजांच्या कडकडाटासह वादळी वारे आणि मुसळधार पाऊस पडण्याची शक्यता आहे असे कळवले आहे.

  तर परभणी या जिल्ह्याला ऑरेंज अलर्ट तर हिंगोली आणि नांदेड या जिल्ह्याना येलो अलर्ट देण्यात आलेला असून त्यानुषंगाने सर्व जिल्ह्यानी आवश्यक ती खबरदारी घेऊन नदी काठावरील गावांना सतर्कतेच्या सूचना देऊन आवश्यकता असल्यास त्यांना सुरक्षित ठिकाणी स्थलांतरित करण्यात यावे. तसेच संबंधित यंत्रणाना सुसज्ज ठेवून घडणाऱ्या घटनाची माहिती तात्काळ या कार्यालयास पाठवावी असे आवाहन करण्यात आले आहे.

तसेच येत्या ३ तासांत औरंगाबाद, अहमदनगर, बीड, जालना ,उस्मानाबाद, लातूर आणि सोलापूर जिल्ह्यांतील काही ठिकाणी विजांच्या कडकडाटासह वादळी वारे आणि मुसळधार पाऊस पडण्याची शक्यता आहे असे मंत्रालय नियंत्रण कक्ष मुंबई यांनी कळवले आहे.