गोदावरी नदीत हॉटेल व्यावसायिकाचा मृतदेह आढळला..!

 गोदावरी नदीत हॉटेल व्यावसायिकाचा मृतदेह आढळला..!

पैठण एमआयडीसी परिसरातील घटना

वास्तव न्युज ओमप्रकाश उढाण 

    छत्रपती संभाजी नगर जिल्ह्यातील पैठण येथील गोदावरी नदीच्या पाण्यात एमआयडीसी भागात एका हॉटेल व्यवसायिकाचा मृतदेह २८ सप्टेंबर शनिवार रोजी आढळून आल्याने एकच खळबळ उडालीय. राजू माणिक शिंदे वय ४८ रा. पेपर मिल समोर, एमआयडीसी पैठण असे या हॉटेल व्यावसायिकाचे नाव आहे. 

    शनिवारी पैठण येथील पैठणी साडी केंद्राच्या पाठीमागे असलेल्या गोदावरी नदीत एका अज्ञात पुरुषाचा मृतदेह पाण्यावर तरंगत असल्याची माहिती पैठण पोलीस निरीक्षक संजय देशमुख यांना मिळाली. त्यांनी तात्काळ सपोनि सिद्धेश्वर गोरे व पोलीस अधिकारी कर्मचारी यांना घटनास्थळी पाहणी करण्यासाठी पाठविले. नदीत तरंगत असलेला मृतदेह पाण्याबाहेर काढून येथील शासकीय रुग्णालयात ठेवण्यात येऊन पैठण पोलिसाने आजूबाजूच्या परिसरातील बेपत्ता व्यक्तीचा शोध घेतला असता पैठण एमआयडीसीतील पेपर मिल समोरील हॉटेल व्यावसायिक राजू माणिक शिंदे हे गेल्या दोन दिवसापासून बेपत्ता असल्याची माहिती पोलिसांना मिळाली. त्यानंतर पोलिसांनी नातेवाईकांना रुग्णालयात बोलून मृतदेह दाखविला असता हा मृतदेह राजू शिंदे यांचा असल्याची खात्री नातेवाईकांनी केली. पैठण पोलीस ठाण्यात या घटनेची आकस्मित मृत्युची नोंदक रण्यात आली असून या व्यक्तीने जीवन का संपविले. याबाबतचा पुढील तपास पोलीस करत आहेत.