तहसिलदार संवर्गातील अधिकाऱ्यांच्या बदलीचे आदेश जारी

१० जून २०२५ रोजी महसूल विभागाचा निर्णय

वास्तव न्युज ओमप्रकाश उढाण 

   महाराष्ट्र शासनाच्या महसूल व वन विभागाने तहसिलदार संवर्गातील अधिकाऱ्यांच्या बदली संदर्भात शासन आदेश क्रमांक बदली-२०२५/प्र.क्र.८४/ई-३ अन्वये तातडीने अंमलात येणारा निर्णय घेतला आहे. बदल्यांचा उद्देश सार्वजनिक सेवेच्या हितार्थ आणि प्रशासकीय सोयीसाठी करण्यात आला असून, संबंधित अधिकाऱ्यांनी तात्काळ नव्या पदस्थापनेच्या ठिकाणी रुजू होण्याचे आदेश देण्यात आले आहेत.

या आदेशात खालील बदल्या स्पष्ट करण्यात आल्या आहेत मुख्य बदल्या

क्र. अधिकाऱ्याचे नाव सध्याची पदस्थापना बदलीनंतरची पदस्थापना

1. श्री. सतीश सोनी नियुक्तीच्या प्रतिक्षेत तहसिलदार, सिल्लोड (जि. छ. संभाजीनगर)

2. श्रीमती तेजस्विनी पाटील तहसिलदार (महसूल), जि.का. रत्नागिरी तहसिलदार (संगायो), अंधेरी

3. श्रीमती स्मिता पवार तहसिलदार (संगायो), जि.का. सातारा तहसिलदार (महसूल), विभागीय आयुक्त कार्यालय, पुणे

4. श्रीमती रोहीणी शिंदे तहसिलदार (महसूल), विभागीय आयुक्त कार्यालय, पुणे तहसिलदार (संगायो), जि.का. सातारा

5. श्री. संजय पांडुरंग भोसले तहसिलदार, सिल्लोड तहसिलदार, माढा (जि. सोलापूर)

6. श्री. संतोष महाले अधीक्षक, जि.का. गोंदिया तहसिलदार (ना.ज.क.म.), जि.का. नाशिक

7. श्रीमती शुभांगी कनवाडे तहसिलदार (सामान्य), जि.का. वर्धा तहसिलदार (संगायो), जि.का. सांगली

8. श्रीमती योगिता खटावकर तहसिलदार, घनसावंगी (जि. जालना) तहसिलदार, फुलंब्री (जि. छ. संभाजीनगर)

    वरील सर्व संबंधित अधिकाऱ्यांनी स्तंभ क्र. ४ मध्ये नमूद केलेल्या नव्या पदस्थापनेच्या ठिकाणी त्वरित हजर व्हावे.असे आदेश अजित सोपानराव देशमुख सहसचिव, महसूल व वन विभाग महाराष्ट्र शासन यांनी काढले आहेत.