गणपती विसर्जनाची तयारी करत असताना शॉक लागून १४ वर्षीय मुलाचा मृत्यू

गणपती विसर्जनाच्या दिवशी दुर्दैवी घटना 

✍️ वास्तव न्युज : ओमप्रकाश उढाण

      घनसावंगी तालुक्यातील तीर्थपुरी येथे आज (शनिवार) सकाळी गणेश विसर्जनाच्या दिवशी अतिशय हृदयद्रावक घटना घडली. गणपती मंडळाच्या ठिकाणी विजेच्या लाईनचा शॉक लागून अभिषेक ज्ञानदेव गिराम (वय १४) या एकुलत्या एक मुलाचा मृत्यू झाला. या घटनेमुळे तीर्थपुरीसह परिसरात शोककळा पसरली आहे.

      अभिषेक हा ज्ञानदेव गिराम यांचा एकुलता एक मुलगा होता. आता अचानक अभिषेकचाही विजेच्या शॉक मुळे मृत्यू झाल्याने गिराम कुटुंबावर आकाश कोसळल्यासारखी वेळ आली आहे. या घटनेनंतर कुटुंबियांवर दुःखाचा डोंगर कोसळला असून, परिसरातील सर्वच नागरिकांनी हळहळ व्यक्त केली आहे.

    या दुर्घटनेबद्दल सर्वत्र तीव्र दुःख व्यक्त होत असून, ऐन गणपती विसर्जनाच्या दिवशी घडलेल्या या घटनेमुळे संपूर्ण गावात हळहळ व्यक्त केली जात आहे.

    दरम्यान या घटनेमुळे लाईन/लाईट चे काम करताना सर्वांनीच खबरदारी घेणे गरजेचे आहे तसेच लहान बालकांनी व युवकाकडे कुटुंबातील व्यक्तीने लक्ष देण्याची गरज आहे.